SI FOSS’ IO
(G Licciardi)
Ispirato da un sonetto di Cecco Angiolieri : se io fossi foco
Foss’io l’acqua
nun ‘nfunnesso cchiù a nisciuno
Foss’io ‘o cielo
non tenesso ‘e casa ‘a luna
Fosse, fosse
Si foss’io
Foss’io fuoco
nun bruciasse cchiù foreste
Foss’io ‘o viento
ve facesso tremmà ‘e diente
Fosse, fosse
Si foss’io
Foss’io Terra
nun me stesso int’a ‘na serra
Foss’io ‘o mare
nun purtasse chist’addore
Fosse, fosse
Si foss’io
Foss’io luce,
me me pigliass’tutt’’e culure
Foss’io ‘o scuro
ve facesse avè a paura
Fosse, fosse
Si foss’io
Foss’io stella
me mettesso cchiù annascusa
Foss’io ‘o sole
nn’asciuttass’’e panne ‘nfuse
Fosse, fosse
Si foss’io
Foss’io guerra
nun facesso male ‘a terra
Fosse ll’ora
ca capisseve l’ammore
Fosse, fosse
Si foss’io
