Terra Grischuna (Pagina rumantscha) 2, 4-1987, p. 85
_______________________________________________________________________________________________________________________________________________________________________________________
Instrucziun rumantscha en economia
Uss datti er in cudesch d'instrucziun d'economia en rumantsch. Autur da quest cudesch cun
il titel "Economia" è Iso Tuor, in Sursilvan da Sumvitg, magister a la scola commerziala a
Weinfelden. L'ovra è vegnida publitgada d'origin en tudestg da la chasa editura. E. Krattiger
AG. La translaziun è fatga en rumantsch grischun, per ch'il cudesch possia vegnir applitgà
en tut las scolas commerzialas e professiunalas rumantschas da noss chantun. I sa tracta
d'in med d'instrucziun per introducir en ils principis fundamentals da l'economia. EI è concepì
tenor las novas conuschientschas didacticas e perquai senz'auter er adattà per persunas da
fatschenta, dal commerzi, da bancas, da fiduziarias ed per s'infurmar davart il linguatg
commerzial rumantsch.
Ils custs per translatar ed edir ha surprendì l'Uniun da bancas svizras (UBS). Quella ha era
envidà ils magisters professiunals ad in di d'infurmaziun e d'introducziun en l'ovra. In tal
engaschament da vart privata per noss linguatg è significativ e da beneventar zunt fitg.
[Pagina rumantscha]
