UNIVERSIDADE DE CASTEDDU - CURSU DE LÀUREA IN ECONOMIA E
GESTIONE AZIENDALE. CANALE ON LINE
8 de austu 2014
S'Universidade de Casteddu informat ca fintzas pro s’annu acadèmicu
2014/2015 at prevididu in s’oferta formativa sua unu canale e-learning pro su
Cursu de Làurea triennale in Economia e gestione aziendale (EGA). S’initziativa
est curada dae s’Ateneu de Casteddu in collaboratzione cun Unitel Cagliari e dae
su Cunsòrtziu Interuniversitàriu Unitelsardegna a manera ispetzìfica dedicada a
s’e-learning.
Pro nde ischire de prus de sas modalidades pro leare parte a sos cursos e de sas
tassas de iscritzione si podet visionare s'informativa e su materiale multimediale
inoghe in suta.
Pro informatziones: [email protected], tel. 070/675.6476 – 070/675.6232
http://www.economia.unitelcagliari.it/
Iscàrriga s’informativa dae su situ
Sa Càmera de Cummèrtziu de Aristanis comùnicat ca est incomintzadu su progetu “Limba Sarda:
limba de s'identidade, limba de su mundu” (Lege 482/1999 annualidade 2010), cuncordadu paris
cun sa Provìntzia de Aristanis (Ufìtziu de sa limba e de sa cultura sarda) e sa ASL de Aristanis, cun
sa punna de fàghere una campagna de sensibilizatzione pro s’impreu de sa limba sarda in sas
impresas e in su setore de sos servìtzios pro su tzitadinu.
Dae su mese de trìulas, totu sas novas publicadas in su situ istitutzionale e su servìtziu newsletter
ant a èssere a disponimentu fintzas in limba sarda, cun sa possibilidade de aprofundire sa
connoschèntzia pròpia de su sardu colleghende·si su situ de formatzione e-learning dischente.or.it a
incuru de s'Ufìtziu de sa limba e de sa cultura sarda de sa Provìntzia de Aristanis.
In su mese de santugaine at a incomintzare unu cursu de formatzione de limba sarda chi at a
pertocare su setore cummertziale, cun riferimentu pretzisu a su marketing e a s’etichetadura de sos
produtos.
A disponimentu sa guida “Un’annu in sa provìntzia de Aristanis”, fata dae sa Provìntzia de
Aristanis – Setore de Promotzione de su territòriu, Ufìtziu de sa limba e de sa cultura sarda.
