Stella d‘argiento
(Carlo Faiello)
‘O sole quanno nasce nasce a Oriente
si dice ca llà sta ‘na terra santa
addò ‘nu tiempo arrivaje da luntano ‘na stella argiento
p’ accuntenta’ tutta ‘sta gente
Quanta misteri m’ hanno raccuntato
attuorno a ‘stu paese turmentato
mò pare ca ‘ncopp’ a ‘sti prete Cristo nun ce maje passato
mentre si dice ca lloco è nato
Nuje quanno vene Natale
ce sentimmo tutti cchiù carnale
quando ‘a gente aspetta ‘a sera
pure ‘o friddo se fa cchiù liggero
è primmavera…è primmavera
tutto pare ca è overo……
Quanno tramonta ‘o sole all’ orizzonte
so’ ancora ‘nfuse ‘ll’ uocchie ‘e ‘sti viandante
‘nmiez’ ‘a ‘sta guerra chi cerca ‘nu riparo trova sulo viento
mille riavule….e quacche santo….
Nuje quanno vene Natale
ce sentimmo tutti quanti eguali
e lassamme ‘e porte aperte
rimanimmo tutt’ ‘a notte allerta
è primmavera… è primmavera
tutto pare ca è overo…
