Voddu urrulà
(Premio Soloai 2005, Oniferi)
Vodd’urrulà
cantu è funguta e spalta
l’indiffarenzia,
chì chistu mundu no l’à
lu donu di l’amori.
So falzi li pudori
ed è fingitu l’animu
chi di la cara lassa
una maggjna suffalta
pal pietai.
Voddu urrulà chi mai
è dulci lu tulmentu
illu mustrà frizioni
anzi simmai finzioni
è lu chi in cori appatta
di l’egoismu crudu
li spasimi a cumbatta.
Voddu urrulà di cori,
poi,
cant’è maltratta
la sulitai chi laca
in gjugna agnata
li lagrimi e lu pientu
scunnisciutu
chena una manu abbalta
o un aggjutu
chi possia pa’ un momentu
disvià.
E no è bastanti
illu caglià
di tantu suffrimentu
aenni ammentu
ch’è guasi sminticà.
Illi camini
intantu bruculiggja
l’indiffarenzia muta,
tantu cuata
cantu palesa e folti
illu spantà
chi m’è d’ubbricu in cori
dà una boci…
…l’urrulà.
Voglio urlare
Voglio urlare/quanto è profonda e disseminata/l’indifferenza,/perché questo
mondo non l’ha/il dono dell’amore./Sono falsi i pudori/ed è finto l’animo/che
lascia sulla faccia/una immagine sofferta/per pietà./Voglio urlare che mai/è
dolce il tormento/nel mostrare compassione/anzi, semmai è finzione/quello che
placa il cuore/nello spasimi in conflitto/del suo crudo egoismo./Voglio urlare di
cuore,/poi,/quant’é ignorata/la solitudine che lascia/in ogni angolo/le lacrime e
il pianto/sconosciuto/senza una mano aperta/o un aiuto/che possa per un
momento/dipanare la pena./E non basta/nell’ignorare/tanta sofferenza/averne
il ricordo/perché è come dimenticare./Nelle strade/intanto brulica/l’indifferenza
muta,/tanto nascosta/quanto evidente e forte/nello sbalordire/che mi è
d’obbligo/far sentire la mia voce,/e urlare.
