Pro nostra signora
(modellu)
A cantare pro Te Vergine Santa
m'ispronat sa devota passione
ca non b'at eguale ater'isprone
ch'ispingat a cantare su mortale
c'ater'isprone non b'at eguale
chi su mortale ispingat a cantare,
sos pintores prus dignos de ammirare
t'ana fatu disignos e colores,
sos d'ammirare prus dignos pintores
t'ana fatu colores e disignos,
sos d'ammirare pintores prus dignos
disignos e colores t'ana fatu
ma a s'artista faghende su retratu
tremet sa manu, tremende est sa vista,
ma su retratu faghende a s'artista
tremet sa manu, sa vista est tremende,
eco proite isbagliana pintende
su visu Tou de bellesa tanta.
De Gerico ses rosa e ses pianta
fozida in donzi mese e odorosa,
de Gerico pianta ses e rosa
fozida e odorosa in donzi mese
de Gerico pianta e rosa sese
in donzi mese odorosa e fozida,
balsamu pro sos males de sa vida,
rimediu siguru senza ispesa.
A cantare pro Te Vergine Santa
m'ispronat sa devota passione
ca non b'at eguale ater'isprone
ch'ispingat a cantare su mortale
c'ater'isprone non b'at eguale
chi su mortale ispingat a cantare,
sos pintores prus dignos de ammirare
t'ana fatu disignos e colores,
sos d'ammirare prus dignos pintores
t'ana fatu colores e disignos,
sos d'ammirare pintores prus dignos
disignos e colores t'ana fatu
ma a s'artista faghende su retratu
tremet sa manu, tremende est sa vista,
ma su retratu faghende a s'artista
tremet sa manu, sa vista est tremende,
eco proite isbagliana pintende
su visu Tou de tanta bellesa.
Funtana 'e caridade e de puresa
Mama 'e sa Soberana Trinidade,
funtana de puresa e caridade
Mama 'e sa Trinidade Soberana,
de caridade e puresa funtana
de sa Trinidade Soberana Mama,
de Jesu Cristos s'orgogliu e fiama
Reina incoronada in Paradisu.
A cantare pro Te Vergine Santa
m'ispronat sa devota passione
ca non b'at eguale ater'isprone
ch'ispingat a cantare su mortale
c'ater'isprone non b'at eguale
chi su mortale ispingat a cantare,
sos pintores prus dignos de ammirare
t'ana fatu disignos e colores,
sos d'ammirare prus dignos pintores
t'ana fatu colores e disignos,
sos d'ammirare pintores prus dignos
disignos e colores t'ana fatu
ma a s'artista faghende su retratu
tremet sa manu, tremende est sa vista,
ma su retratu faghende a s'artista
tremet sa manu, sa vista est tremende,
eco proite isbagliana pintende
de tanta bellesa su Tou visu.
De su Regnu Divinu ses s'acisu
de cantu ch'at in terrinu sustegnu
s'acisu ses de su Divinu Regnu
sustegnu 'e cantu ch'at in su terrinu
s'acisu ses de su Regnu Divinu
sustegnu in su terrinu 'e cantu ch'ada
pro cussu ses benita e laudada
dae sos pius umiles pianta.
M'ispronat sa devota passione
a cantare pro te Vergine Santa.
