Terra Grischuna (Pagina rumantscha) 4, 8-1997, p. 59
_______________________________________________________________________________________________________________________________________________________________________________________
Survista statistica
Ins na chatta bain nagliur auter tantas datas davart la Svizra sin in spazi uschè pitschen sco
en la "Survista statistica da la Svizra", edida da l'Uffizi federal da statistica. Questa
broschuretta gratuita cuntegna numerusas tabellas, graficas e cifras davart geografia,
ambient, populaziun, industria e commerzi, agricultura, energia, turissem, traffic, consum
privat, finanzas publicas, segirtad sociala, meds da massa, sanadad, politica, etc. Sin mintga
pagina stat sper las cifras er ina resumaziun pregnanta. Sut il titel "Scolaziun e scienza" pon
ins per exempel leger: "Analfabetissem: a la fin dal temp da scola obligatori en l'otgavla
classa san radund 3 % dals scolars leger uschè mal ch'ins po numnar els analfabets
funcziunals. Questa quota è particularmain auta tar tips da scola cun bassas pretensiuns
(8%). Tranter ils scolars cun ina cumpetenza da leger insuffizienta èn 2/3 mats...". La
survista statistica pon ins retrair en rumantsch, talian, franzos, tudestg ed englais sut il
numer da telefon 031/323 60 60 e fax 031/ 323 60 61.
[Pagina rumantscha]
